ഈട് ഇല്ലാതെ ₹25,000 സ്വയംതൊഴിൽ ധനസഹായം; ഭിന്നശേഷിക്കാർക്ക് "ആശ്വാസം" പദ്ധതിയിലേക്ക് അപേക്ഷ ക്ഷണിച്ചു

കേരള സംസ്ഥാന ഭിന്നശേഷി ക്ഷേമ കോർപ്പറേഷൻ, സ്വയം തൊഴിൽ വായ്പയ്ക്കായി ഈട് നൽകാൻ വസ്തുവോ വീടോ ഇല്ലാത്ത ഭിന്നശേഷിക്കാർക്ക് സൂക്ഷ്മ ചെറുകിട സ്വയംതൊഴിൽ സംരംഭങ്ങൾ ആരംഭിക്കുന്നതിനായി "ആശ്വാസം" പദ്ധതിയിലൂടെ ₹25,000 ധനസഹായം നൽകുന്നു. അർഹരായവർക്ക് ഗൂഗിൾ ഫോം വഴി അപേക്ഷിക്കാം.

ധനസഹായം

💰 ₹25,000 (ഒറ്റത്തവണ ധനസഹായം)

അപേക്ഷിക്കേണ്ടവർ

• 40% അല്ലെങ്കിൽ അതിൽ കൂടുതൽ സ്ഥിരം ഭിന്നശേഷിയുള്ളവർ.
• 18 വയസ്സ് പൂർത്തിയായിരിക്കണം (ബൗദ്ധിക വെല്ലുവിളി നേരിടുന്നവർക്ക് 14 വയസ്സ്).
• സ്വന്തം പേരിലോ കുടുംബാംഗങ്ങളുടെ (ഭാര്യ/ഭർത്താവ്/അച്ഛൻ/അമ്മ) പേരിലോ വസ്തുവോ വീടോ ഉണ്ടായിരിക്കരുത്.
• വാർഷിക കുടുംബവരുമാനം ₹1 ലക്ഷത്തിൽ താഴെ ആയിരിക്കണം.
• സർക്കാർ ജീവനക്കാരോ മറ്റ് ശമ്പളക്കാരോ ആയിരിക്കരുത്.
• മെഡിക്കൽ ബോർഡ് നൽകിയ ഭിന്നശേഷി സർട്ടിഫിക്കറ്റ് നിർബന്ധം.

മുൻഗണന ലഭിക്കുന്നവർ

• തീവ്ര ഭിന്നശേഷിയുള്ളവർ
• വിധവകൾ
• ഗുരുതര രോഗബാധിതർ
• 14 വയസ്സിന് മുകളിലുള്ള ബൗദ്ധിക വെല്ലുവിളി നേരിടുന്ന കുട്ടികളുടെ അമ്മമാർ
• 60 വയസ്സിന് മുകളിലുള്ളവർ
• അഗതികൾ

ശ്രദ്ധിക്കുക

• മുമ്പ് "ആശ്വാസം" പദ്ധതിയിൽ ധനസഹായം ലഭിച്ചവർക്ക് അപേക്ഷിക്കാനാവില്ല.
• ആവശ്യമായ രേഖകൾ അപ്‌ലോഡ് ചെയ്ത അപേക്ഷകൾ മാത്രം പരിഗണിക്കും.
• പട്ടിക സമുദായത്തിൽപ്പെട്ടവർ 3 വർഷത്തിനുള്ളിൽ ലഭിച്ച ജാതി സർട്ടിഫിക്കറ്റ് അപ്‌ലോഡ് ചെയ്യണം.
• തിരഞ്ഞെടുക്കപ്പെടുന്നവർ ₹200 മുദ്രപത്രത്തിൽ നോട്ടറി സാക്ഷ്യപ്പെടുത്തിയ സത്യവാങ്മൂലം സമർപ്പിക്കണം.

അപേക്ഷ സമർപ്പിക്കേണ്ട അവസാന തീയതി: 2026 ഓഗസ്റ്റ് 31, വൈകുന്നേരം 5.00 വരെ


അപേക്ഷ സമർപ്പിക്കേണ്ട വിധം
അപേക്ഷാഫോം: https://docs.google.com/forms/d/1sBzQYeZuodj_HkQuepcWkXeoJ5k9d7XWihTVTYK2aSw/viewform?pli=1&pli=1&edit_requested=true