പ്രാദേശിക സർക്കാർ സ്ഥാപനങ്ങളുടെ എല്ലാ പൗര സേവനങ്ങൾക്കുമുള്ള പൊതുവായ പോർട്ടൽ. പൗരന്മാർക്ക് അവരുടെ അപേക്ഷ ഓൺലൈനായി അഭ്യർത്ഥിക്കാനോ സമർപ്പിക്കാനോ കഴിയും, അവർക്ക് ഓൺലൈനിൽ പ്രതികരണം ലഭിക്കും. അനുബന്ധ രേഖകൾ സമർപ്പിക്കാനുള്ള സൗകര്യം.

തദ്ദേശസ്ഥാപനങ്ങളുടെ ‘സിറ്റിസൺ പോർട്ടൽ’ വഴി ഓൺലൈനായി ലഭിക്കുക 43  മേഖലയിലെ 213 സേവനം.  സർട്ടിഫിക്കറ്റുകൾ അടക്കമുള്ളവ ഓൺലൈനായിത്തന്നെ ലഭിക്കും. ഓരോരുത്തർക്കും പ്രത്യേകം ഇൻബോക്‌സ്‌ സംവിധാനമുണ്ടാകും.  സാക്ഷ്യപത്രങ്ങൾ, സാമൂഹ്യ സുരക്ഷാപെൻഷൻ, സാമൂഹ്യ സുരക്ഷാ പദ്ധതികൾ, ലൈസൻസുകളും അനുമതികളും, കെട്ടിടങ്ങൾ, പരാതികൾ, അപ്പീലുകൾ, നികുതികൾ, വിവരാവകാശ നിയമം, നിയമ സഹായം, പൊതുസുരക്ഷ, പൊതു സൗകര്യങ്ങൾ, വികേന്ദ്രീകൃത ആസൂത്രണം, തൊഴിലുറപ്പ്‌ പദ്ധതി എന്നിങ്ങനെ മെനുവിലാണ്‌ സേവനങ്ങൾ ക്രമീകരിച്ചിട്ടുള്ളത്‌.