ന്യൂനപക്ഷ ക്ഷേമ വകുപ്പ്
ജസ്റ്റിസ് രജീന്ദർ സച്ചാർ കമ്മിറ്റി റിപ്പോർട്ടിന്റെയും പാലോളി മുഹമ്മദ് കുട്ടി കമ്മിറ്റി റിപ്പോർട്ടിന്റെയും ഭാഗമായി 2008 ൽ പൊതുഭരണ വകുപ്പിന് കീഴിൽ ഒരു ന്യൂനപക്ഷ സെൽ രൂപീകരിക്കുകയും പിന്നീട് ന്യൂനപക്ഷക്ഷേമ വകുപ്പ് രൂപീകരിക്കുകയും ചെയ്‌തു. കേന്ദ്ര-സംസ്ഥാന സർക്കാരുകൾ നടപ്പാക്കുന്ന പദ്ധതികളുടെ നോഡൽ ഏജൻസിയാണ് ഈ വകുപ്പ് പ്രവർത്തിക്കുന്നത്. ന്യൂനപക്ഷക്ഷേമ വകുപ്പിന്റെ ഡയറക്ടറേറ്റ് തിരുവനന്തപുരത്താണ് സ്ഥിതി ചെയ്യുന്നത്.
സംസ്ഥാനത്തെ മതന്യൂനപക്ഷങ്ങള്‍ക്കുവേണ്ടി വിവിധ ഏജന്‍സികള്‍ മുഖേന നടപ്പിലാക്കുന്ന ക്ഷേമ/ധനസഹായ പദ്ധതികളാണ്‌ ഉള്‍ക്കൊള്ളിച്ചിട്ടുള്ളത്‌. ഇവയ്‌ക്ക്‌ പുറമെ സര്‍ക്കാരിന്റെ വിവിധവകുപ്പുകള്‍ (ഉദാഹരണം:- സാമൂഹ്യനീതി, റവന്യൂ, മൃഗസംരക്ഷണം, തൊഴില്‍ മുതലായവ) നേരിട്ടും വിവിധ ഏജന്‍സികള്‍ മുഖേനയും (ഉദാഹരണം : വനിതാവികസന കോര്‍പ്പറേഷന്‍, കുടും ശ്രീ, വിവിധ ക്ഷേമനിധികള്‍ മുതലായവ) നടപ്പാക്കുന്ന ക്ഷേമപ്രവര്‍ത്തനങ്ങള്‍ക്കും, ധനസഹായങ്ങള്‍ക്കും മറ്റുള്ള ജനവിഭാഗങ്ങള്‍ക്കെന്ന പോലെ ന്യൂനപക്ഷങ്ങള്‍ക്കും അവകാശമുണ്ട്‌.
പലപദ്ധതികളും ബന്ധപ്പെട്ട വകുപ്പുകള്‍/ ഏജന്‍സികള്‍ ഇടയ്‌ക്ക്‌ വെച്ച്‌ അവസാനിപ്പിക്കാനും, വ്യവസ്ഥകളിലും, ലോണ്‍ തുക, പലിശനിരക്ക്‌, കാലാവധി, വരുമാന പരിധി എന്നിവയില്‍ മാറ്റം വരുത്താനും സാദ്ധ്യതയുള്ളതിനാല്‍ അപേക്ഷ സമര്‍പ്പിക്കും മുമ്പ്‌ പദ്ധതി നടപ്പിലാക്കുന്ന ഏജന്‍സിയുമായി ബന്ധപ്പെടേണ്ടതാണ്‌. ന്യൂനപക്ഷ കമ്മീഷന്റെ കീഴലോ, കമ്മീഷനുമായി ബന്ധപ്പെട്ടോ/സഹകരിച്ചോ അല്ല ഈ ഏജന്‍സികള്‍ പ്രവര്‍ത്തിക്കുന്നതും, ക്ഷേമപദ്ധതികള്‍ നടപ്പിലാക്കുന്നതും. അതുകൊണ്ടുതന്നെ പദ്ധതികള്‍ സംബന്ധിച്ച വിവരങ്ങള്‍ കമ്മീഷനില്‍ നിന്ന്‌ ലഭിക്കില്ല
