പ്രായ പരിധി : ബാധകമല്ല 

അപേക്ഷ സമർപ്പിക്കേണ്ട അവസാന തിയതി: ബാധകമല്ല

ന്യൂനപക്ഷ വിഭാഗത്തില്‍പെട്ട ക്രിസ്ത്യന്‍, മുസ്ലിം, സിക്ക്, ബുദ്ധ , ജൈന, പാര്‍സി എന്നീ മത വിഭാഗത്തില്‍പെട്ടവരായിരിക്കണം.

വിശദാംശങ്ങൾ

വരുമാന മാനദണ്ഡം -കുടുംബ വാർഷിക വരുമാനം 6.0 ലക്ഷം രൂപയിൽ താഴെ ആയിരിക്കണം

ലോൺ തുകയുടെ  പരിധി- പദ്ധതി പ്രകാരം നൽകപ്പെടുന്ന  പരമാവധി തുക
 6.00 ലക്ഷം രൂപയാണ്

പലിശ നിരക്ക് 6%

മൊറോട്ടോറിയം കാലഘട്ടം -1 മാസം

തിരിച്ചടവ് കാലയളവ് 84 മാസം

വ്യക്തിഗത ഗുണഭോക്താക്കൾക്കുള്ളതാണ് പദ്ധതി. പദ്ധതി പ്രകാരം അപേക്ഷകൻ ഭവനരഹിതനായിരിക്കും. വീട് നിർമിക്കുന്നതിന് അയാളുടെ പേരിലോ ഭാര്യയുടെ പേരിലോ അനുയോജ്യമായ ഭൂമി ഉണ്ടായിരിക്കണം. സ്വന്തമായി വീടില്ലാത്തവർക്കും വായ്പ ലഭിക്കുന്നതിന് മുമ്പ് അനുയോജ്യമായ ഭൂമി വാങ്ങുമെന്ന വ്യവസ്ഥയ്ക്ക് വിധേയമായി വായ്പയ്ക്ക് അപേക്ഷിക്കാം.

ഒരു തദ്ദേശ സ്ഥാപനത്തിലെ അസിസ്റ്റന്റ് എഞ്ചിനീയറുടെയോ സെക്രട്ടറിയുടെയോ റാങ്കിൽ കുറയാത്ത യോഗ്യതയുള്ള അധികാരികൾ പ്ലാൻ അംഗീകരിക്കണം. എസ്റ്റിമേറ്റ് ലൈസൻസുള്ള സൂപ്പർവൈസർ അംഗീകരിക്കണം.

വീടിന്റെ പ്ലാനിന്റെ വിസ്തീർണ്ണം 1600 ചതുരശ്ര അടിയിൽ കൂടുതലാകരുത്, നിർമ്മാണത്തിന്റെ മതിപ്പ് ചെലവ് 20.00 ലക്ഷം രൂപയിൽ കൂടരുത്.

അംഗീകൃത പ്ലാൻ അനുസരിച്ചുള്ള നിർമാണത്തിന് തദ്ദേശ സ്ഥാപനത്തിന്റെ അനുമതി വാങ്ങണം

വിതരണത്തിന്റെ ഘട്ടങ്ങൾ

സ്റ്റേജ്-1 -   150000/- രൂപ  (അടിത്തറയ്ക്കും നിലവറയ്ക്കും)

സ്റ്റേജ്-2  -   250000/- രൂപ (ഘടന, മേൽക്കൂര)

സ്റ്റേജ്-3 -    200000/- രൂപ(മറ്റ് ഫിനിഷിംഗ് വർക്ക്)

നിബന്ധനകൾ 
കൂടിക്കാഴ്ചക്ക് വരുമ്പോൾ ഹാജരാക്കേണ്ട രേഖകൾ (ഒറിജിനൽ)

1 .റേഷൻ കാർഡ് 
2 .തിരിച്ചറിയൽ കാർഡ് 
3 .ആധാർ 
4 .സ്കൂൾ  സർട്ടിഫിക്കറ്റ്
5 . നിർദിഷ്ട ഭവനത്തിന്റെ അംഗീകരിച്ച പ്ലാൻ , എസ്റ്റിമേറ്റ് ( ഭവനത്തിന്റെ വിസ്‌തീർണം 1600  Sq.ft യിൽ കൂടാൻ പാടുള്ളതല്ല , നിർമാണ ചിലവ് എസ്റ്റിമേറ്റ് പ്രകാരം 20  ലക്ഷത്തിൽ താഴെ ആയിരിക്കണം. )

6.ജാതി , വരുമാന സർട്ടിഫിക്കറ്റ് (അപേക്ഷയോടൊപ്പം ഹാജരാക്കിട്ടില്ലെങ്കിൽ )

 * ടി രേഖകളുടെ കോപ്പി മുൻപ് ഹാജരാക്കിട്ടില്ലെങ്കിൽ കോപ്പി കൂടെ ഹാജരാക്കുക 

വസ്തു ജാമ്യമെങ്കിൽ 

1.വസ്തുവിന്റെ അസ്സൽ ആധാരം
2.അടിയാധാരം / പട്ടയം
3.നടപ്പ് സാമ്പത്തിക വർഷത്തെ വസ്തുവിന്റെ നികുതി ചീട്ട്
4.കൈവശാവകാശ സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
5.നോൺ അറ്റാച്ച് മെന്റ് സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
6.വസ്തുവിന്റെ മതിപ്പുവില സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
7.വസ്തുവിന്റെ ലൊക്കേഷൻ മാപ്പ്/ സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
8.കുടിക്കട സർട്ടിഫിക്കറ്റ് 14 വർഷത്തേത് ( സബ് രജിസ്ട്രാർ ഓഫീസിൽ നിന്നും)

ഉദ്യോഗസ്ഥ ജാമ്യമെങ്കിൽ 
1. സര്‍ക്കാര്‍- അര്‍ധ സര്‍ക്കാര്‍- പൊതുമേഖല സ്ഥാപനങ്ങള്‍- പഞ്ചായത്ത് - മുനിസിപ്പാലിറ്റി - യൂണിവേഴ്‌സിറ്റി - സഹകരണ ബാങ്കുകള്‍ - എയിഡഡ് സ്‌ക്കൂള്‍ കോളേജ് എന്നീ സ്ഥാപനങ്ങളില്‍ ജോലി ചെയ്യുന്ന സ്ഥിരം ജീവനക്കാരുടെ ശമ്പള സര്‍ട്ടിഫിക്കറ്റ് ജാമ്യമായി സ്വീകരിക്കും.

2. ഗസറ്റഡ് ഓഫീസർമാർ ,സ്വയം ശമ്പളം എഴുതി വാങ്ങുന്ന ഉദ്യോഗസ്ഥാന്മാർ എന്നിവർക്ക് സ്വന്തമായി സർട്ടിഫിക്കറ്റ് നൽകാവുന്നതാണ്. ഗസറ്റഡ് ഓഫീസറുടെ ഓഡിറ്റ് നമ്പർ , ട്രഷറി എന്നിവ രേഖപ്പെടുത്തുകയും മേലുദ്യോഗസ്ഥാർ സാക്ഷ്യപ്പെടുത്തുകയും  വേണം. 

3. വായ്‌പ കാലാവധിക്ക് ശേഷം ഒരു വർഷം കൂടി സർവ്വിസ് ബാക്കിയുള്ളവരായിരിക്കണം ജാമ്യക്കാർ 

4. നിലവിൽ മൊത്ത ശമ്പളത്തിന്റെ 40% ത്തിൽകൂടുതൽ  റിക്കവറി ഉണ്ടായിരിക്കാൻ പാടില്ല 

5. ഡെപ്യൂറ്റേഷനിൽ ജോലി ചെയ്യുന്നവർ മാതൃ വകുപ്പിൽ നിന്നും No Objection  Certificate    / Counter  Signature    ഹാജരാക്കണം 

6. ശമ്പള സർട്ടിഫിക്കറ്റിലെ എല്ലാ കോളങ്ങളും തെറ്റാതെ പൂരിപ്പിക്കുകയും , തിരുത്ത് വരുത്തിയ ഇടങ്ങളിൽ മേലധികാരിയുടെ മുഴുവൻ ഒപ്പും സീലും വെക്കണം 

7. ശമ്പള സർട്ടിഫിക്കറ്റ് ഒപ്പിടുന്ന/മേലൊപ്പ് വയ്ക്കുന്ന മേലധികാരിയുടെ പേര് , സ്ഥാപന പേര് ,വന്നിവ എഴുതുകയും ഓഫീസിൽ സീൽ നിർബന്ധമായും പതിക്കുകയും വേണം .

8. നിലവിലുള്ള ജാമ്യക്കാരന് മറ്റൊരു വായ്പക്ക് ജാമ്യം നിൽക്കണമെങ്കിൽ നിലവിലുള്ള വായ്പ അടവ് തുടങ്ങി രണ്ട് വർഷം കഴിഞ്ഞിരിക്കുകയും തവണ സംഖ്യ പിഴവ് വരാൻ പാടുള്ളതുമല്ല. ബാധ്യതക്കുള്ള അത്ര ശമ്പളം ഉണ്ടായിരിക്കണം.

എഗ്രിമെന്റ് വെച്ചശേഷം എഗ്രിമെന്റ് തീയതി വരെയുള്ള രണ്ടാമതൊരു കുടിക്കടം കൂടി അപേക്ഷകൻ ഹാജരാകേണ്ടതാണ്. അപേക്ഷകൻ ഓഫീസിൽ നൽകുന്ന എല്ലാ പ്രമാണങ്ങളുടെയും ആവശ്യമുള്ളത്ര പകർപ്പെടുത്ത് സാക്ഷ്യപ്പെടുത്തി സൂക്ഷിക്കേണ്ടതാണ്. കാരണം വായ്പ മുഴുവനായി തിരിച്ചടച്ച് അക്കൗണ്ട് ക്ലോസ് ചെയ്തതിനുശേഷമേ പ്രമാണങ്ങൾ തിരിച്ചു നൽകുകയുള്ളൂ. മേൽപ്പറഞ്ഞ രേഖകൾക്ക് പുറമേ കോർപ്പറേഷൻ ആവശ്യപ്പെടുന്ന മറ്റു രേഖകൾ കൂടി ഹാജരാക്കാൻ അപേക്ഷകൻ ബാധ്യസ്ഥനാണ്.

അപേക്ഷ എവിടെ കൊടുക്കണം

1. പൂരിപ്പിച്ച അപേക്ഷകൾ റീജിയണൽ ഓഫീസുകളിൽ നേരിട്ടോ തപാലിലോ അയക്കണം.

2. ഓഫീസ് അഡ്രസ്സ്

(കോഴിക്കോട്, വയനാട് ജില്ലക്കാർക്ക്) : Kerala State Minorities Development Finance Corporation Ltd. (KSMDFC) H.O. KURDFC Building, Chakkorathukulam, West Hill, Kozhikode - 673005, Kerala, India. Phone: 0495  2769366, 2369366, 2368366. Email: ksmdfc@gmail.com

(മലപ്പുറം ജില്ലക്കാർക്ക്) : Kerala State Minorities Development Finance Corporation Ltd. (KSMDFC) 1st Floor, Sunni Mahal Building, Jubilee Mini Bypass Road, Perinthalmanna, Malappuram – 679 322, Ph: 04933-297 017. Email: ksmdfcmpm@gmail.com

3.മറ്റു ജില്ലക്കാര്‍   http://ksmdfc.org/  സൈറ്റില്‍ കൊടുത്തിട്ടുളള മറ്റു റീജണല്‍ കേന്ദ്രങ്ങളിലേക്ക് അപേക്ഷ അയക്കണം.

4. കേരള സംസ്ഥാന ന്യൂനപക്ഷ വികസന ധനകാര്യ കോര്‍പ്പറേഷൻ വെബ്സൈറ്റ് - https://ksmdfc.org/

നടപടിക്രമം
അപേക്ഷകളുടെ സൂക്ഷമ പരിശോധനക്കും കൂടിക്കാഴ്ചക്കുശേഷം കോര്‍പ്പറേഷന്‍ നിശ്ചയിക്കുന്നതാണ്.