വിസ വായ്‌പ പദ്ധതി, വിദേശ രാജ്യങ്ങളിൽ ജോലി കണ്ടെത്താൻ ആഗ്രഹിക്കുന്ന വ്യക്തിഗത ഗുണഭോക്താക്കൾക്കുള്ളതാണ്. വായ്പ ലഭിക്കുന്നതിന് അപേക്ഷകൻ സാധുവായ പാസ്പോർട്ടും വിസയും ഹാജരാക്കണം. അപേക്ഷകന്റെ ഭാര്യ/അച്ഛൻ/അമ്മ/സഹോദരൻ/സഹോദരി എന്നിവർ അപേക്ഷകനോടൊപ്പം സഹ-വായ്പക്കാരൻ ആയിരിക്കും.

 5% പലിശ നിരക്കിൽ 3 ലക്ഷം രൂപ വരെ ഈ പദ്ധതി വഴി വായ്‌പ അയി ലഭിക്കും.

പ്രായപരിധി -  18-58 ഇടയിൽ

വിശദാംശങ്ങൾ
1. വരുമാന മാനദണ്ഡം - കുടുംബ വാർഷിക വരുമാനം 6.0 ലക്ഷം രൂപയിൽ താഴെയായിരിക്കണം.

2. ലോൺ തുകയുടെ  പരിധി - ഈ പദ്ധതി പ്രകാരം 
വിതരണം ചെയ്യാവുന്ന പരമാവധി തുക 3 ലക്ഷം രൂപയാണ്.

3. പലിശ നിരക്ക് -   5%

4. മൊറോട്ടോറിയം കാലഘട്ടം- 1 മാസം

5. തിരിച്ചടവ് കാലയളവ്- 84 മാസം  (7- വർഷം)

എല്ലാ വായ്പകള്‍ക്കും ജാമ്യം നിര്‍ബന്ധമാണ്.

വസ്തു ജാമ്യം : കുറഞ്ഞത് 4 സെന്റോ അതിൽ കൂടുതലോ ഉള്ള ഭൂമി ആയിരിക്കണം ഈടായി നൽകേണ്ടത്. വസ്തുവിന്റെ മതിപ്പുവിലയുടെ 80 ശതമാനം വരെയാണ് വായ്പ ലഭിക്കുക. അതതു വില്ലേജ് ഓഫീസുകളില്‍ നിന്ന് വില നിശ്ചയിച്ചുകൊണ്ടുള്ള സര്‍ട്ടിഫിക്കറ്റ് ഹാജരാക്കണം.

സര്‍ക്കാര്‍- അര്‍ധ സര്‍ക്കാര്‍- പൊതുമേഖല സ്ഥാപനങ്ങള്‍- പഞ്ചായത്ത് - മുനിസിപ്പാലിറ്റി - യൂണിവേഴ്‌സിറ്റി - സഹകരണ ബാങ്കുകള്‍ - എയിഡഡ് സ്‌ക്കൂള്‍ കോളേജ് എന്നീ സ്ഥാപനങ്ങളില്‍ ജോലി ചെയ്യുന്ന സ്ഥിരം ജീവനക്കാരുടെ ശമ്പള സര്‍ട്ടിഫിക്കറ്റ് ജാമ്യമായി സ്വീകരിക്കും.

ജാമ്യക്കാരന് വായ്പാ കാലാവധിക്കുശേഷം ചുരുങ്ങിയത് ഒരു വര്‍ഷമെങ്കിലും സര്‍വ്വീസ് ഉണ്ടായിരിക്കണം.

2.5 ലക്ഷം രൂപ വരെയുള്ള വായ്പകള്‍ക്ക് ഒരു ഉദ്യോഗസ്ഥന്റെ ജാമ്യം മതിയാകും

5 ലക്ഷം രൂപക്ക് മുകളിലുളള വായ്പകള്‍ക്ക് വസ്തു ജാമ്യം നിര്‍ബന്ധമാണ്

നിബന്ധനകൾ 

കൂടിക്കാഴ്ചക്ക് വരുമ്പോൾ ഹാജരാക്കണ്ട രേഖകൾ (ഒറിജിനൽ)

1 .റേഷൻ കാർഡ് 
2 .തിരിച്ചറിയൽ കാർഡ് 
3 .ആധാർ 
4 .സ്കൂൾ  സർട്ടിഫിക്കറ്റ്
5 .പാസ്പോർട്ട് 
6 .വിസ 
7 .ജാതി , വരുമാന സർട്ടിഫിക്കറ്റ് (അപേക്ഷയോടൊപ്പം ഹാജരാക്കിട്ടില്ലെങ്കിൽ )

 * ടി രേഖകളുടെ കോപ്പി മുൻപ് ഹാജരാക്കിട്ടില്ലെങ്കിൽ കോപ്പി കൂടെ ഹാജരാക്കുക 

കൂടിക്കാഴ്ചയിൽ വായ്പ തുക തീരുമാനിച്ചു കഴിഞ്ഞാൽ തുടർന്ന് ഹാജരാക്കേണ്ട രേഖകൾ 

വസ്തു ജാമ്യമെങ്കിൽ 

1.വസ്തുവിന്റെ അസ്സൽ ആധാരം
2.അടിയാധാരം / പട്ടയം
3.നടപ്പ് സാമ്പത്തിക വർഷത്തെ വസ്തുവിന്റെ നികുതി ചീട്ട്
4.കൈവശാവകാശ സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
5.നോൺ അറ്റാച്ച് മെന്റ് സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
6.വസ്തുവിന്റെ മതിപ്പുവില സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
7.വസ്തുവിന്റെ ലൊക്കേഷൻ മാപ്പ്/ സർട്ടിഫിക്കറ്റ് ( വില്ലേജ് ഓഫീസിൽ നിന്ന് )
8.കുടിക്കട സർട്ടിഫിക്കറ്റ് 14 വർഷത്തേത് ( സബ് രജിസ്ട്രാർ ഓഫീസിൽ നിന്നും)

ഉദ്യോഗസ്ഥ ജാമ്യമെങ്കിൽ 

1. സര്‍ക്കാര്‍- അര്‍ധ സര്‍ക്കാര്‍- പൊതുമേഖല സ്ഥാപനങ്ങള്‍- പഞ്ചായത്ത് - മുനിസിപ്പാലിറ്റി - യൂണിവേഴ്‌സിറ്റി - സഹകരണ ബാങ്കുകള്‍ - എയിഡഡ് സ്‌ക്കൂള്‍ കോളേജ് എന്നീ സ്ഥാപനങ്ങളില്‍ ജോലി ചെയ്യുന്ന സ്ഥിരം ജീവനക്കാരുടെ ശമ്പള സര്‍ട്ടിഫിക്കറ്റ് ജാമ്യമായി സ്വീകരിക്കും.

2. ഗസറ്റഡ് ഓഫീസർമാർ ,സ്വയം ശമ്പളം എഴുതി വാങ്ങുന്ന ഉദ്യോഗസ്ഥാന്മാർ എന്നിവർക്ക് സ്വന്തമായി സർട്ടിഫിക്കറ്റ് നൽകാവുന്നതാണ്. ഗസറ്റഡ് ഓഫീസറുടെ ഓഡിറ്റ് നമ്പർ , ട്രഷറി എന്നിവ രേഖപ്പെടുത്തുകയും മേലുദ്യോഗസ്ഥാർ സാക്ഷ്യപ്പെടുത്തുകയും  വേണം. 

3. വായ്‌പ കാലാവധിക്ക് ശേഷം ഒരു വർഷം കൂടി സർവ്വിസ് ബാക്കിയുള്ളവരായിരിക്കണം ജാമ്യക്കാർ 

4. നിലവിൽ മൊത്ത ശമ്പളത്തിന്റെ 40% ത്തിൽകൂടുതൽ  റിക്കവറി ഉണ്ടായിരിക്കാൻ പാടില്ല 

5. ഡെപ്യൂറ്റേഷനിൽ ജോലി ചെയ്യുന്നവർ മാതൃ വകുപ്പിൽ നിന്നും No Objection  Certificate / Counter  Signature    ഹാജരാക്കണം 

6. ശമ്പള സർട്ടിഫിക്കറ്റിലെ എല്ലാ കോളങ്ങളും തെറ്റാതെ പൂരിപ്പിക്കുകയും , തിരുത്ത് വരുത്തിയ ഇടങ്ങളിൽ മേലധികാരിയുടെ മുഴുവൻ ഒപ്പും സീലും വെക്കണം 

7. ശമ്പള സർട്ടിഫിക്കറ്റ് ഒപ്പിടുന്ന/മേലൊപ്പ് വയ്ക്കുന്ന മേലധികാരിയുടെ പേര് , സ്ഥാപന പേര് ,വന്നിവ എഴുതുകയും ഓഫീസിൽ സീൽ നിർബന്ധമായും പതിക്കുകയും വേണം .

8. നിലവിലുള്ള ജാമ്യക്കാരന് മറ്റൊരു വായ്പക്ക് ജാമ്യം നിൽക്കണമെങ്കിൽ നിലവിലുള്ള വായ്പ അടവ് തുടങ്ങി രണ്ട് വർഷം കഴിഞ്ഞിരിക്കുകയും തവണ സംഖ്യ പിഴവ് വരാൻ പാടുള്ളതുമല്ല. ബാധ്യതക്കുള്ള അത്ര ശമ്പളം ഉണ്ടായിരിക്കണം.

എഗ്രിമെന്റ് വെച്ചശേഷം എഗ്രിമെന്റ് തീയതി വരെയുള്ള രണ്ടാമതൊരു കുടിക്കടം കൂടി അപേക്ഷകൻ ഹാജരാകേണ്ടതാണ്. അപേക്ഷകൻ ഓഫീസിൽ നൽകുന്ന എല്ലാ പ്രമാണങ്ങളുടെയും ആവശ്യമുള്ളത്ര പകർപ്പെടുത്ത് സാക്ഷ്യപ്പെടുത്തി സൂക്ഷിക്കേണ്ടതാണ്. കാരണം വായ്പ മുഴുവനായി തിരിച്ചടച്ച് അക്കൗണ്ട് ക്ലോസ് ചെയ്തതിനുശേഷമേ പ്രമാണങ്ങൾ തിരിച്ചു നൽകുകയുള്ളൂ. മേൽപ്പറഞ്ഞ രേഖകൾക്ക് പുറമേ കോർപ്പറേഷൻ ആവശ്യപ്പെടുന്ന മറ്റു രേഖകൾ കൂടി ഹാജരാക്കാൻ അപേക്ഷകൻ ബാധ്യസ്ഥനാണ്.

അപേക്ഷ എവിടെ കൊടുക്കണം

1. പൂരിപ്പിച്ച അപേക്ഷകൾ റീജിയണൽ ഓഫീസുകളിൽ നേരിട്ടോ തപാലിലോ അയക്കണം.

2. ഓഫീസ് അഡ്രസ്സ്

(കോഴിക്കോട്, വയനാട് ജില്ലക്കാർക്ക്) : Kerala State Minorities Development Finance Corporation Ltd. (KSMDFC) H.O. KURDFC Building, Chakkorathukulam, West Hill, Kozhikode - 673005, Kerala, India. Phone: 0495  2769366, 2369366, 2368366. Email: ksmdfc@gmail.com

(മലപ്പുറം ജില്ലക്കാർക്ക്) : Kerala State Minorities Development Finance Corporation Ltd. (KSMDFC) 1st Floor, Sunni Mahal Building, Jubilee Mini Bypass Road, Perinthalmanna, Malappuram – 679 322, Ph: 04933-297 017. Email: ksmdfcmpm@gmail.com